უნიტაზის მონტაჟი: სრული გზამკვლევი პროფესიონალური შედეგისთვის

რატომ არის უნიტაზის დამონტაჟება პროფესიონალურად ასეთი მნიშვნელოვანი?

ფულის დაზოგვის მიზნით, ბევრი ცდილობს, უნიტაზის დაყენება დამოუკიდებლად მოახერხოს. თუმცა, სანამ ამას გადაწყვეტთ, მნიშვნელოვანია, გააცნობიეროთ პოტენციური რისკები, რომელთა გაუთვალისწინებლობა ხშირად უფრო ძვირი ჯდება, ვიდრე ხელოსნის მომსახურება.

თუ უნიტაზის მონტაჟი სწორადაა შესრულებული:

• ჰიგიენა: სწორი ჰერმეტიზაცია გამორიცხავს კანალიზაციის სუნის სახლში შემოღწევას და ხელს უშლის ბაქტერიების გავრცელებას.
• ეკონომია: უნიტაზის ჩამრეცხი მექანიზმის გამართული მუშაობა ზოგავს ათასობით ლიტრ წყალს წლიურად, რაც პირდაპირ აისახება თქვენს კომუნალურ გადასახადებზე.
• უსაფრთხოება: მყარად დამაგრებული უნიტაზი არ ირყევა და არ ქმნის კერამიკის გატეხვის ან წყლის დაღვრის საფრთხეს, რა დროსაც შეიძლება იატაკი დაზიანდეს და ქვედა სართულის მეზობელი დაიტბოროს.
• ხანგრძლივი ექსპლუატაცია: ხარისხიანი მონტაჟი უზრუნველყოფს მოწყობილობის ყველა დეტალის გამართულ მუშაობას და ამცირებს სამომავლოდ უნიტაზის შეკეთების საჭიროებას.

არაკვალიფიციურად დამონტაჟების შემთხვევაში, ხშირია შემდეგი სახის პრობლემები:

• მუდმივი ან პერიოდული გაჟონვა იატაკზე ან ბაჩოკის ქვეშ;
• წყლის უწყვეტი დენა უნიტაზში, რაც ზრდის კომუნალურ ხარჯს;
• ბაჩოკის ხმაურიანი მუშაობა წყლის შევსებისას;
• ტალღოვანი მილის (გოფრეს) ან მანჟეტის უვარგისი შეერთება, რაც იწვევს უსიამოვნო სუნის გაჩენას;
• იატაკზე ან კედელზე ბზარების გაჩენა, არასწორი ფიქსაციის გამო.

„თუ მონტაჟისას რაღაც ჟონავს ან ირყევა, პრობლემა თავისით არ მოგვარდება. ის თანდათან გაიზრდება და იქცევა დიდ პრობლემად, რომელიც გამოიწვევს დისკომფორტს, დროის კარგვას და მეტ ხარჯს.“

უნიტაზის ტიპები – რომელი ავირჩიოთ?

სანამ უშუალოდ უნიტაზის მონტაჟი დაიწყება, პირველი და უმნიშვნელოვანესი ნაბიჯია სწორი მოდელის შერჩევა. ბაზარზე არსებული მრავალფეროვნება შეიძლება დამაბნეველი იყოს, ამიტომ განვიხილოთ ძირითადი ტიპები, მათი უპირატესობები და ნაკლოვანებები.

დასადგამი (იატაკზე მდგომი) უნიტაზი – კლასიკა, რომელიც არ კარგავს აქტუალურობას

ეს არის ყველაზე გავრცელებული და ტრადიციული ტიპის უნიტაზი.

• უპირატესობები: ხელმისაწვდომი ფასი, უნიტაზის დაყენება შედარებით მარტივად; უნიტაზის შეკეთება ადვილია, ხოლო არჩევანი - ფართო.
• ნაკლოვანებები: იკავებს მეტ ადგილს, რთულია  მის გარშემო არსებული სივრცის გაწმენდა.

დასაკიდი უნიტაზი – თანამედროვე დიზაინი და პრაქტიკულობა

თანამედროვე ინტერიერში სულ უფრო მეტ პოპულარობას იძენს კედელზე დასაკიდი მოდელები.

• უპირატესობები: ესთეტიკა, მარტივი დასუფთავება, სივრცის ეკონომია, ხმაურის იზოლაცია;
• ნაკლოვანებები: მაღალი ფასი (როგორც თავად უნიტაზის, ისე ინსტალაციის სისტემის), უნიტაზის დამონტაჟება - რთული, აუცილებელია პროფესიონალის ჩარევა.

სმარტ უნიტაზები და კომპაქტური მოდელები

• სმარტ უნიტაზები: აღჭურვილია ბიდეს ფუნქციით, სავარძლის გათბობით, ავტომატური გახსნა-დახურვით და სხვა. მათი მონტაჟი სპეციალურ ცოდნას მოითხოვს.
• კომპაქტური და კუთხის უნიტაზები: იდეალური გადაწყვეტაა პატარა სააბაზანოებისთვის.

ჩამრეცხი მექანიზმების ტიპები: რომელია ეკონომიური?

უნიტაზის ჩამრეცხის აწყობა და მისი ტიპის შერჩევა პირდაპირ უკავშირდება წყლის მოხმარებას.

• ერთრეჟიმიანი ჩამრეცხი: მოძველებული სისტემა, რომელიც ყოველ ჯერზე ერთსა და იმავე, მაქსიმალური რაოდენობის წყალს (9-12 ლიტრი) უშვებს. არაეკონომიურია და იშვიათად გამოიყენება თანამედროვე მოდელებში.
• ორრეჟიმიანი (Dual-Flush) ჩამრეცხი: ყველაზე პოპულარული და ეკონომიური ვარიანტი. მას აქვს ორი ღილაკი: ერთი - მცირე რაოდენობის წყლისთვის (3-4 ლიტრი) და მეორე - სრული ჩარეცხვისთვის (6-8 ლიტრი). ამ სისტემის გამოყენებით, წლის განმავლობაში, ზოგავთ ათასობით ლიტრ წყალს.
• "Stop" ფუნქცია: ზოგიერთ მოდელს აქვს ერთი ღილაკი, რომელზე პირველი დაჭერითაც წყალი ჩაედინება, ხოლო მეორე დაჭერით ჩერდება. მისი საშუალებით, ჩასარეცხი წყლის რაოდენობას თვითონ აკონტროლებთ.

რა ღირს უნიტაზის მონტაჟი? გაახლებული ფასები საქართველოში

„რა ღირს უნიტაზის დაყენება?“ - ეს ერთ-ერთი ყველაზე აქტუალური კითხვაა. უნიტაზის მონტაჟის ფასი დამოკიდებულია უამრავ ფაქტორზე: უნიტაზის ტიპი, სამუშაოს სირთულე, ძველი მოწყობილობის დემონტაჟის საჭიროება, რეგიონი და, რა თქმა უნდა, უნიტაზის ხელოსნის კვალიფიკაცია.

გთავაზობთ სავარაუდო ფასებს სხვადასხვა სანტექნიკურ მომსახურებაზე, საქართველოს მასშტაბით:

• დასადგამი უნიტაზის მონტაჟი (ძველის დემონტაჟით):
  • თბილისი: 100–150 ლარი
  • ბათუმი/ქუთაისი: 120–180 ლარი
  • სხვა რეგიონები: 150–220 ლარი
• დასაკიდი უნიტაზის მონტაჟი (ინსტალაციის ჩათვლით):
  • თბილისი: 200–350 ლარი
  • ბათუმი/ქუთაისი: 250–400 ლარი
  • სხვა რეგიონები: 300–450 ლარი
• უნიტაზის გამოცვლა (მხოლოდ ძველის ახლით ჩანაცვლება):
  • თბილისი: 80–120 ლარი
  • ბათუმი/ქუთაისი: 100–150 ლარი
  • სხვა რეგიონები: 120–180 ლარი
• უნიტაზის ბაჩოკის შეკეთება:
  • თბილისი: 50–90 ლარი
  • ბათუმი/ქუთაისი: 60–100 ლარი
  • სხვა რეგიონები: 80–120 ლარი
• უნიტაზის ჩამრეცხი მექანიზმის შეკეთება ან გამოცვლა:
  • თბილისი: 70–120 ლარი
  • ბათუმი/ქუთაისი: 80–140 ლარი
  • სხვა რეგიონები: 100–160 ლარი
• გაჟონვის აღმოფხვრა:
  • თბილისი: 40–80 ლარი
  • ბათუმი/ქუთაისი: 50–90 ლარი
  • სხვა რეგიონები: 60–100 ლარი
• ხელოსნის გამოძახება (მხოლოდ დიაგნოსტიკა):
  • თბილისი: 30–50 ლარი
  • ბათუმი/ქუთაისი: 40–70 ლარი
  • სხვა რეგიონები: 70–100 ლარი

რა ღირს უნიტაზის მონტაჟი სრულად? დასადგმელი უნიტაზის შემთხვევაში, სრული ღირებულება (უნიტაზი + მონტაჟი + მასალები) მერყეობს,  საშუალოდ, 350-დან 650 ლარამდე. დასაკიდი უნიტაზის შემთხვევაში კი ეს თანხა შეიძლება იყოს 700-დან 1500 ლარამდე და მეტიც.

საჭირო ინსტრუმენტები და მასალები – სრული ჩამონათვალი

თუ მაინც გადაწყვიტეთ, რომ უნიტაზის დაყენება საკუთარი ხელით სცადოთ, მნიშვნელოვანია თადარიგის დაჭერა და ყველა საჭირო ინსტრუმენტისა და მასალის მომარაგება.

• აუცილებელი ინსტრუმენტები: რეგულირებადი ქანჩის გასაღები, ქანჩების ნაკრები, სახრახნისები, სამშენებლო თარაზო, სილიკონის პისტოლეტი, პერფორატორი, ჩაქუჩი, დანა, რულეტი.
• აუცილებელი მასალები: სანიტარული სილიკონი, ცვილის რგოლი ან რეზინის მანჟეტი, გოფრირებული მილი, წყლის მოქნილი მილი, FUM ლენტი, სამაგრი ჭანჭიკები.

უნიტაზის მონტაჟი საკუთარი ხელით – ნაბიჯ-ნაბიჯ ინსტრუქცია

განვიხილოთ სტანდარტული, იატაკზე დასადგმელი უნიტაზის მონტაჟის პროცესი. თუ გამოცდილება არ გაქვთ, გირჩევთ ეს საქმე პროფესიონალს მიანდოთ, თუმცა პროცესის ცოდნა ზედმეტი არასდროს არ არის. ბოლოს და ბოლოს,  ხელოსნის მუშაობის გაკონტროლებას შეძლებთ.

ეტაპი 1. ძველი უნიტაზის დემონტაჟი

1. გათიშეთ წყალი და დაცალეთ ბაჩოკი.
2. გათიშეთ წყლის შლანგი.
3. მოხსენით სამაგრები და აიღეთ უნიტაზი.
4. სრულად გაასუფთავეთ ადგილი ძველი ჰერმეტიკისგან.

ეტაპი 2. ახალი დასადგამი უნიტაზის მონტაჟი

1. მონიშვნა: დადგით ახალი უნიტაზი და მონიშნეთ სამაგრი ჭანჭიკების ადგილები.
2. გაბურღვა: გაბურღეთ ხვრელები და ჩასვით დუბელები (სამაგრები).
3. კანალიზაციასთან შეერთება: გამოიყენეთ ახალი ცვილის რგოლი ან მანჟეტი.
4. უნიტაზის დაყენება: ფრთხილად მოათავსეთ უნიტაზი და დააწექით სხეულის წონით ჰერმეტულობისთვის.
5. დამაგრება: თარაზოს გამოყენებით გაასწორეთ და ნელ-ნელა მოუჭირეთ ჭანჭიკები.
6. უნიტაზის აწყობა და ბაჩოკის დაყენება: თუ უნიტაზი დაშლილია, პირველ რიგში, საჭიროა უნიტაზის აწყობა. მიჰყევით ინსტრუქციას, დაამონტაჟეთ ჩამრეცხი მექანიზმი ბაჩოკში (უნიტაზის ჩამრეცხის აწყობა) და შემდეგ დაამაგრეთ ბაჩოკი უნიტაზზე.
7. წყლის შეერთება და ჰერმეტიზაცია: შეაერთეთ წყლის შლანგი და წაუსვით სილიკონი უნიტაზის ძირის პერიმეტრზე.
8. შემოწმება: დაელოდეთ სილიკონის გამაგრებას, შემდეგ გახსენით წყალი და ყველა შეერთება შეამოწმეთ გაჟონვაზე.

ეტაპი 3. დასაკიდი უნიტაზის მონტაჟი – მხოლოდ პროფესიონალებისთვის!

დასაკიდი უნიტაზის დამონტაჟება გაცილებით რთული პროცესია და კატეგორიულად გირჩევთ, მიანდოთ გამოცდილ ხელოსანს, რადგან ინსტალაციის არასწორმა გამაგრებამ შეიძლება გამოიწვიოს კედლის დანგრევა და ათასობით ლარის ზარალი.

შეკეთება თუ გამოცვლა? როდის ღირს ძველი უნიტაზის შენარჩუნება

ხშირადსულაც არაა საჭირო უნიტაზის გამოცვლა სრულად და პრობლემა მარტივად გვარდება უნიტაზის შეკეთებითაც. სანამ სამუშაოს დაწყებას გადაწყვეტთ, შეაფასეთ შემდეგი ფაქტორები:

როდის ღირს უნიტაზის შეკეთება:

• მცირე დაზიანება: პრობლემა ეხება მხოლოდ შიდა მექანიზმს (ტივტივა, მემბრანა, ღილაკი), რომლის გამოცვლაც იაფია. უნიტაზის ბაჩოკის შეკეთება ან უნიტაზის ჩამრეცხი მექანიზმის შეკეთება ხშირად საკმარისია.
• ასაკი: უნიტაზის ასაკი 5-7 წელზე ნაკლებია.
• ეკონომიკური სარგებელი: შეკეთების ღირებულება ახალი უნიტაზის ფასის 30%-ს არ აღემატება.
• დიზაინი: უნიტაზი იდეალურად შეესაბამება თქვენი აბაზანის დიზაინს და მსგავსი მოდელის პოვნა რთულია.

როდის სჯობს უნიტაზის გამოცვლა:

• ბზარები კერამიკაზე: თუნდაც მცირე ბზარი კორპუსზე ნიშნავს, რომ უნიტაზი ნებისმიერ დროს შეიძლება გატყდეს და ფართი წყლით დატბოროს. ამ შემთხვევაში, უნიტაზის შეკეთება შეუძლებელია.
• ძველი მოდელი და წყლის დიდი ხარჯი: თუ თქვენი უნიტაზი 15 წელზე მეტხანს გემსახურებათ და აღჭურვილია ერთრეჟიმიანი ჩამრეცხით, მისი ახლით ჩანაცვლება, გრძელვადიან პერსპექტივაში, წყლის გადასახადს შეგიმცირებთ და ამ გზით ფულს დაზოგავთ.
• ხშირი შეკეთება: თუ, ბოლო ერთი წლის განმავლობაში, რამდენჯერმე დაგჭირდათ ხელოსნის გამოძახება, დროა, დაფიქრდეთ არსებული უნიტაზის ახალი მოდელით ჩანაცვლებაზე.
• კალციუმის ნადები: არაჰიგიენურია, როცა უნიტაზის შიდა ზედაპირი დაფარულია კირის სქელი ნადებით, რომლის მოშორებაც შეუძლებელია. ამიტომ სჯობს, გამოცვალოთ.

უნიტაზის მოვლა და პროფილაქტიკა: როგორ გავუხანგრძლივოთ სიცოცხლე

სწორი მოვლა დაგეხმარებათ, თავიდან აიცილოთ გაუთვალისწინებელი დაზიანებები და შეამციროთ უნიტაზის შეკეთების საჭიროება.

1. გამოიყენეთ სწორი საწმენდი საშუალებები: მოერიდეთ აგრესიულ, მჟავის შემცველ ქიმიას, რომელმაც შეიძლება დააზიანოს კერამიკის ემალი და რეზინის შუასადებები. გამოიყენეთ სპეციალურად უნიტაზისთვის განკუთვნილი გელები.
2. არ ჩაყაროთ საყოფაცხოვრებო ნარჩენები: უნიტაზში არ ჩაყაროთ ჰიგიენური საფენები, სველი ხელსახოცები, ბამბა, საკვების ნარჩენები და სხვა ნივთები. ეს იწვევს კანალიზაციის გაჭედვას.
3. რეგულარული შემოწმება: თვეში ერთხელ დააკვირდით, ხომ არ ჟონავს, თუნდაც უმნიშვნელოდ, ბაჩოკის ქვეშ ან უნიტაზის ძირში. ასევე, მოუსმინეთ, ხომ არ გამოსცემს ბაჩოკი წყლის შევსების ხმას მაშინ, როცა არავის გამოუყენებია – ეს შიდა გაჟონვის ნიშანია.
4. გაწმინდეთ ბაჩოკი შიგნიდან: წელიწადში ერთხელ მაინც, გადაკეტეთ წყალი, დაცალეთ ბაჩოკი, გაწმინდეთ მისი კედლები და მექანიზმი ნადებისგან რბილი ჯაგრისით. ეს გაუხანგრძლივებს მექანიზმს სიცოცხლეს.

როგორ ავირჩიოთ უნიტაზის ხელოსანი? 10 ოქროს წესი

თუ გადაწყვიტეთ, რომ საქმე პროფესიონალს მიანდოთ, უნიტაზის ხელოსნის სწორად არჩევა წარმატების ნახევარია.

1. გამოცდილება და რეპუტაცია: მოიძიეთ ხელოსანი მინიმუმ 3-5-წლიანი გამოცდილებით.
2. პორტფოლიო: სთხოვეთ, გაჩვენოთ წინა ნამუშევრების ფოტოები.
3. გარანტია: პროფესიონალი ყოველთვის იძლევა გარანტიას (მინიმუმ 6-12 თვე).
4. ფიქსირებული ფასი: სამუშაოს დაწყებამდე მოითხოვეთ ზუსტი ხარჯთაღრიცხვა. დააზუსტეთ, რა ღირს უნიტაზის მონტაჟი სრულად.
5. პროფესიონალური ინსტრუმენტები: კარგ ხელოსანს ყოველთვის აქვს ინსტრუმენტების სრული ნაკრები.
6. კონსულტაცია: სანდო სპეციალისტი ყოველთვის გაგიწევთ კონსულტაციას.
7. ოფიციალური სტატუსი: უპირატესობა მიანიჭეთ რეგისტრირებულ ხელოსნებს.
8. ავანსი: არ გადაიხადოთ ღირებულების 100% წინასწარ.
9. ხარისხიანი მასალები: ჰკითხეთ, რომელი ბრენდის მასალებს იყენებს.
10. პუნქტუალურობა: ხელოსანი უნდა იყოს პასუხისმგებლიანი და არასაპატიო მიზეზით, არ უნდა გადააცილოს შეთანხმებულ დროს.

დასკვნა – რა უნდა გააკეთოთ დღესვე

უნიტაზის მონტაჟი კომპლექსური პროცესია. სწორად შერჩეული და ხარისხიანად დამონტაჟებული უნიტაზი მოგემსახურებათ წლების განმავლობაში.

• DIY vs პროფესიონალი: თუ გამოუცდელი ხართ, განსაკუთრებით, დასაკიდი მოდელის შემთხვევაში, აუცილებლად მიმართეთ უნიტაზის ხელოსანს რომელიც პროფესიონალია.
• გარანტია და ხარისხი: ყოველთვის მოითხოვეთ გარანტია და ნუ დაზოგავთ ხარისხიან მასალებზე.
• ფასის დაზუსტება: წინასწარ გაარკვიეთ, რა ღირს უნიტაზის დაყენება და რა შედის ამ ფასში.

უნიტაზის მონტაჟი მხოლოდ ტექნიკური სამუშაო არ არის. ესაა ინვესტიცია თქვენს კომფორტში, ჯანმრთელობასა და სიმშვიდეში. გისურვებთ უპრობლემო მონტაჟს.