• 10-09-2021
  • interier
  • 521
  • 0

საოფისე ავეჯი - რა გვჭირდება ეფექტურად მუშაობისთვის

კომფორტული და ეფექტური ინტერიერი, მოსახერხებელი ავეჯი ოფისში ადამიანს შრომისუნარიანობას უმაღლებს და სამუშაოდ განაწყობს. აგრეთვე, ხაზს უსვამს, რამდენად სოლიდურია ესა თუ ის დაწესებულება.

თანამედროვე საოფისე ავეჯი მსუბუქი, ფუნქციური და მრავალფეროვანია. სამუშაო მაგიდები, კარადები, ტუმბოები თუ სტელაჟები საქმიან ატმოსფეროს ქმნის კაბინეტში.

საოფისე ავეჯის სტილი დამოკიდებულია დაწესებულების სოლიდურობასა და კაბინეტის დანიშნულებაზე (ხელმძღვანელის და თანამშრომლების), მათში პერსონალის რაოდენობაზე - მსხვილი კომპანიები კლასიკურ სტილს ანიჭებენ უპირატესობას, თანამედროვე სტილს კი ამჯობინებენ ფირმები, სადაც ტექნიკური პერსონალი ან აგენტები ჰყავთ დასაქმებული.

საოფისე ავეჯის შეძენისას გასათვალისწინებელია ის ფაქტორი, როგორი ტიპის ოფისისთვის გსურთ ავეჯი - საერთო ოთახისთვის თუ ინდივიდუალური კაბინეტისთვის, პირველ შემთხვევაში ერთმანეთის მსგავსი მაგიდები დაგჭირდებათ ან ერთიანი, ინდივიდუალურად ჩატიხრული.

გარდა ამისა, ძალიან მნიშვნელოვანია ავეჯის ხარისხი. ვინაიდან ადამიანი სამსახურში დღის უმეტეს ნაწილს ატარებს, ავეჯის ექსპლოატაცია უფრო ინტენსიურად ხდება. ამიტომ მას გამძლე და მოსახერხებელი ავეჯი სჭირდება. ყურადღება მიაქციეთ, რომ უჯრები რბილად და უხმაუროდ იღებოდეს, ასევე, კარებები დაუდევრად არ იყოს ავეჯზე დამაგრებული.

ხელმძღვანელის კაბინეტი

ეს არის ოთახი, სადაც მნიშვნელოვანი და საპასუხისმგებლო გადაწყვეტილებებს იღებენ. ამიტომ კაბინეტის დიზაინის ნიუანსები სწორად უნდა იყოს გათვლილი. ხელმძღვანელის სამუშაო ადგილი კომფორტული უნდა იყოს და ასევე, მთლიანად კაბინეტის ავეჯი საგულდაგულოდ შერჩეული, რადგან ეს ხაზს უსვამს დაწესებულების იმიჯს. ამაში ჩვენი პროფესიონალი დიზაინერი დაგეხმარებათ, რომელიც ეფექტური ავეჯის ესკიზებს შემოგთავაზებთ და ასევე მის სწორად გადასანაწილებლად მოგცემთ მითითებებს.

პერსონალისგან განსხვავებით, ხელმძღვანელის კაბინეტი უფრო მრავალფეროვან ავეჯს მოითხოვს - სათათბირო და სამუშაო მაგიდებს, სხვადასხვა დოკუმენტაციისთვის განკუთვნილ სტელაჟებსა და კარადებს....

პერსონალის კაბინეტი

რაც შეეხება პერსონალის ოთახს, აქ შედარებით მწირი ავეჯია საჭირო. თუ თანამშრომლები კარადებს დოკუმენტაციისთვის ყოველდღიურად იყენებენ, გირჩევთ, ისინი არა კარებიანი, არამედ ღია იყოს, რათა უფრო ადვილად ხელმისაწვდომი იყოს საჭირო ნივთები. ამ შემთხვევაში შეგვიძლია იდეალური ვარიანტი, სტელაჟები შემოგთავაზოთ. თუმცა საარქივო მასალები დახურულ კარადებში სჯობს, რომლებიც უკეთ დაიცავს მნიშვნელოვან დოკუმენტებს მტვრისგანაც და შემთხვევით დაკარგვისგანაც.

სამუშაო მაგიდები

სახლისა და ოფისის კომპიუტერის მაგიდები რამდენადმე განსხვავდება ერთმანეთისგან კონსტრუქციით, ფუნქციონალურობითა და ესთეტიკურად. სახლისთვის შეგვიძლია, თქვენი სურვილისამებრ, მაგიდას სხვადასხვა ელემენტი დავუმატოთ და უფრო მრავალფუნქციური გავხადოთ; ოფისში კი, ძირითადად, სადა და პრაქტიკული მაგიდების საჭიროებაა.თუ პერსონალი მხოლოდ ნოუთბუქით სარგებლობს მუშაობისას, მაშინ კომპაქტური მაგიდა საკმარისია, ხოლო თუ დოკუმენტაციასთან უწევს მუშაობა, მაშინ მოცულობით მაგიდას საჭიროებს.

პირობითად, სამუშაო მაგიდები შემდეგ კლასიფიკაციად იყოფა: კლასიკური - მართკუთხა, თაროებით, სისტემური ბლოკის განყოფილებით და კლავიატურისთვის განკუთვნილი გამოსაწევი დაფით;

კუთხის - ეს კომპაქტური ვარიანტი ძალიან პოპულარულია მცირე ზომის კაბინეტებში;

ნახევრად მრგვალი - ასეთ მაგიდებს უფრო ხელმძღვანელის კაბინეტისთვის ირჩევენ;

საწერი მაგიდა მოსწავლეებისთვის - ამ შემთხვევაში გირჩევთ, შეკვეთით დაამზადებინოთ

მოზარდის აგებულების გათვალისწინებით, რადგან სწორად შერჩეული მაგიდა და სკამი ბავშვის ძვლოვანი სისტემის ჩამოყალიბებისთვის ძალიან მნიშვნელოვანია.

რაც შეეხება ვიზუალურ მხარეს და ტონალობებს, ავეჯი, ხის მერქნის იმიტაციით, ოფისს უფრო მყუდროს გახდის. თუმცა თანამედროვე ოფისებში ხშირად შეხვდებით თეთრ ან პასტელის ფერის ავეჯს. მთავარია, ავეჯის ფერმა და ფორმამ ყურადღება არ გაუფანტოს როგორც მომუშავე პერსონალს, ისე მათ კლიენტებს.


მსგავსი პროდუქტი

ვებ საიტების დამზადება
ავეჯის შეკვეთა
+(995) 511-16-16-22